Na. Mwandishi wetu, TABORA
Serikali
kupitia Wizara ya Maliasili na Utalii imetoa
wito kwa wananchi kuepuka kuvamia maeneo ambayo yametengwa kwaajili ya hifadhi kwani husaidia
kuongeza pato la Taifa kupitia wawekezaji ambao huwekeza katika maeno hayo.
Wito huo
unatolewa na Serikali baada ya baadhi ya wananchi wa Jimbo la Kaliua Mkoani
Tabora kuvamia eneo la hifadhi ya Isawima na kufanya
shughuli zao kilimo hali ambayo husababisha kurudisha nyuma maendeleo ya
hifadhi hiyo.
Akitatua mgogoro huo leo kwa wananchi hao,
Marry Masanja amesema serikali inatambua umuhimu wa maeneo ambayo yamevamiwa
kwani yapo maeneo ambayo yalikuwa yametengwa na Serikali kwaajili ya hifadhi
lakini kutokana na ufinyu wa maeneo imepelekea watu kuvamia maeneo hayo.
Aidha, Marry amewaeleza wananchi hao faida ya
kuwa na maeneo ya uhifadhi ikiwa ni pamoja na kulinda vyanzo vya maji ili maji
yaendelee kuwepo katika maeneo yao lakini pia kuongeza wawekezaji ambao
husaidia kuongeza pato la Taifa na hatimaye wananchi kupata huduma mbalimbali
za kijamii kama vile za Afya.
‘’kwanza
kabisa tunahifadhi kwaajili ya kulinda nyazo vya maji, takini tunatarajia
kuweka wawekezaji ambao watasaidia kuongeza pato la Serikali na hili pato la
serikali ndilo ambalo linakuja kukujengea wewe vituo vya Afya,huduma za shule
kama ambavyo mnaona sasa hivi watoto wote wanasoma elimu bure kuanzia darasa la
kwanza mpaka kidato cha nne ,shida mliyo nayo hapa ni wapi mkafanye shughuli za
kilimo na ufugaji maeneo ni mengi sana ambayo yapo’’ Marry Amesema.
Wakati huohuo
ametoa maelekezo kwa Mkuu wa Mkoa huo, Mkuu wa Wilaya na kiongozi wa TAWA
kuwaonesha wananchi hao maeneo ambayo siyo ya hifadhi ili waweze kuendesha
shughuli zao kilimo.
“Ndugu zangu uhifadhi unapaswa
kuheshimika na nina waomba sana muheshimu sheria, kanuni na
taribu za nchi na sisi sote tunaendeshwa kwa sheria” Marry amesema.
Katika
hatua nyingine Marry ameagiaza wananchi ambao wanatarajia kutoa mazo yao
kuyatoa kwa utaratibu wa vibali ‘’tulishaanza kutoa hayo maelekezo na nadhani
baadhi yenu wameshaanza kuyatoa tutaruhusu hayo mazao ambayo tayari
yameshalimwa na yanaonekana kwamba yamefikia hatua ya kuvunwa na tusione tena
mtu mwingine anakwenda kulima kule na ukita kwenda kulima kule chukua kibali’’
Marry Amesema
Kwa upande
wake Mbunge wa Jimbo la Kaliua Mkoani humo Dkt. Aloyce Kwezi amesema maelekezo yote
ambayo Naibu Waziri ameyaagiza watayatekeleza kwakuhakikisha kuwa wanaepuka
migorogoro ya mara kwa mara.
“Hawa wananchi unaona waona mbele
yao Naibu Waziri mimi nilikuja kuwasikiliza kero zao na niliposikia kero zao
nilikuja kuziwasilisha kwako na Waziri wako, ombi lao kubwa hapa ni mipaka ilikuwa
haieleweki inaanzia wapi inaishia wapi na lakini kubwa zaidi kwenye ile mipaka
ambayo imepita wananchi wakashindwa namna ya kuendesha shughuli zao hivyo
wakalazamika kuingia katika maeneo ya hifadhi, ninaomba
maneo ya mipaka ya Isawima yapitiwe vizuri’’ Dkt Kwezi Amesema.
Dkt. Kwezi amesema kero kubwa ambayo
walikuwa nayo wananchi hao ni mazao ambayo wameyalima kwenye maeneo ya hifadhi
‘’Naibu Waziri nakuomba wananchi hawa wapewe vibali waende wakavune mazao yao
bila ya kuwa na usumbu wowote ule’’ Dkt. Kwezi amesema.
Mwisho

Comments
Post a Comment