Na Rhoda Simba, Dodoma.
Mara nyigi jamii imezoea kuona kwamba kitendo cha kufanya
utalii ni utamaduni wa watu wa nje huku wengine wakifiria kuwa unawahusu watu wenye kipato cha juu .
Ukweli ni kwamba mtu anaweza kutoka na marafiki siku za mwishoni
mwa juma na kwenda kufurahia na marafiki, akatumia kiasi kikubwa cha fedha
lakini linapokuja suala la kwenda kufanya utalii linaonekana kama anakwenda
kupoteza fedha nyingi sisizo na msingi.
Tunapo zungumzia Utalii ni kile kitendo cha kusafiri kutoka
sehemu moja kwenda sehemu nyingine kwa lengo la kuburudika, kujifunza
au makusudi mengine.
Kufuatia suala la utalii wa ndani kuendelea kuzorota katika nchi
nyingi za Afrika,baadhi ya Asasi binafsi na makampuni ya Utalii
Tanzania,yameanza kutafuta mikakati ambayo itasaidia kuamsha ari ya raia
kutembelea vivutio vyao na kuachana na dhana kudhani kuwa utalii ni kwaajili ya
wanaotoka nchi za Ulaya tu.
Kwa miaka mingi tumekuwa hatuna utaratibu wa kutembelea vivutio
kwenye maeneo mbali mbali kama vile hifadhi, sehemu za kihistoria, makumbusho,
na sehemu nyingine zinazovutia.
Mara nyingi watu wengi wanaposikia masuala ya utalii, huwa
wanajitoa kabisa na kuona kuwa hawastahili kuwa kwenye kundi la watalii,
wanaamini watalii ni wazungu tu.
Wengine wanafanya hivyo kwa kuwa hawajaona faida za kuwa
watalii, hawaoni faida za kutembelea maeneo yenye vivutio mbali mbali hapa
nchini.
FURSA
Fursa zipo kila mahali, ila unahitaji macho tu kuziona, lakini
kuna njia nyepesi sana inayotumiwa na watu wengi waliofanikiwa kujua fursa ipo
wapi, njia hiyo ni kwa kutembelea sehemu hizo, watu wengi wanao fanyabiashara
wameona fursa kwa kuwa maeneo ambayo ni tofauti na maeneo waliyozoea.
Kwa kutembelea hifadhi na vivutio mbali mbali hapa
Tanzania utajionea fursa nyingi sana za uwekezaji, biashara, kilimo, ufugaji na
nk. Fursa ambazo huwezi kuziona kwa kukaa tu sehemu moja maisha yako yote. Amka
hapo ulipo nenda nje ya eneo ulilopo.
Usiogope gharama kwasababu ni muhimu sana kwako kusafiri, jipe nafasi ya kuona mambo mapya kabisa ambayo akili yako haijawahi kuyaona Pia hizi ni sehemu nzuri kwa kuangalia masoko ya bidhaa zako ulizonazo.
USHIRIKIANO KWENYE MASUALA YA UHIFADHI WA WANAYAMA PORI NA
RASILIMALI.
Naamini watu wanapotembelea maeneo ya mbuga za wanyama, au vivutio vingine watapata na muda wa kupata maarifa na watu wanaofanya kazi kwenye maeneo hayo, wata elezea mafanikio, jinsi wanavyofanya kazi, wataelezea na changamoto wanazokutana nazo wakiwa kazini.
Kwa mfano ikiwa watu watatembelea hifadhi za wanyama wataelezwa changamoto kubwa ya kukosa wageni, ujangili na kukosa wataalamu wa fani fulani.
Hivyo kwa watu kupata taarifa za
namna hii wanaweza kusaidia kwa kutoa ushirikiano na msaada mbali mbali yenye
lengo la kuhifadhi maliasili zetu, misaada hivyo inaweza kuwa ya mawazo, au ya
kifedha hivyo ni muhimu tukawa na utaratibu wa kutembelea vivutio vyetu.
NJIA BORA YA KUTANGAZA UTALII WA NDANI.
Watu wanapokuwa na utamaduni mzuri wa kutembelea maeneo yenye vivutio mbali mbali ndani ya nchi yetu, ndio huwa watangazaji wazuri wa utalii wetu.
Ikiwa tunahitaji vivutio vyetu vijulikane kila mahali tunapaswa kuwa na utamaduni wa kutembelea vivutio.
kila Mtanzania kuwa balozi mzuri kwenye kuutangaza utalii wetu ni kwa njia ya kutembelea hifadhi na maeneo ya vivutio. Mimi naamini sana katika hili na ni njia ya gharama nafuu sana kuutangaza utalii na vivutio vyetu.
KUINUA UCHUMI NA KUHARAKISHA MAENDELEO.
Watu wanapokuwa na utamaduni wa kutembelea vivituo wanakuwa ndiyo wachangiaji wakuu wa ukuaji wa uchumi kwa kuongeza
mapato ya ndani Kupitia utalii .
Kwa kiingilio ambacho watatoa kwenda hifadhini au maeneo ya
vivutio itasaidia sana kuinua uchumi wa nchi yetu ni njia nzuri sana ya kuanzia
ili tuitoe nchi yetu kwenye utegemezi mkubwa wa misaada ya kifedha kutoka kwa
mataifa mengine tukiwa na utamaduni wa namna hii wa kutembelea hifadhi na
vivutio mara kwa mara, tutaipeleka nchi yetu mbali kiuchumi.
Naamini umepata mwanga na sababu za msingi kabisa za kutembelea maeneo ya vivutio, kuna sababu nyingi lakini hizo saba zitufikirishe Usisahau kumshirikisha mwingine makala hii. Jijengee utaratibu huu, ni mzuri sana utaimarisha afya ya akili na afya ya mwili na roho yako pia.
Hapa tunakutana na Shirika la hifadhi za Taifa TANAPA ambapo shirika hili limepewa dhamana ya kusimamia ,kuendeleza maeneo yalioanzishwa kisheria kuwa hifadhi za taifa .
Maeneo hayo yanawakilisha kiwango cha juu kabisa cha uhifadhi wa wanyama pori, ambapo kwa wakati huu shirika linasimamia hifadhi 22 eneo linalosimamiwa na hifadhi ya taifa ni takribani kilometa za mraba 404,464 sawa na asilimia 11 ya eneo.
MADHUMUNI
Madhumuni ya Shirika la Hifadhi ya Taifa TANAPA ni kuhifadhi
maeneo yaliyo na thamani/sifa za kipekee zinazoonesha urithi wa mali za
kiutamaduni au maliasili za taifa .
Paia kuhifadhi maeneo yenye mifumo bayana ya aina maalumu za maliasili na kuhifadhi vyanzo vya maji na ardhi ambavyo ni muhimu katika kudumisha uwianao na kiikolojia na ambayo vinachangia mahitaji ya kujikimu ya watu waishio karibu na mipaka ya hifadhi na taifa kwa ujumla.
Madhumuni mengine ni kuhifadhi maeneo yanayotoa fursa kwa umma kwa ajili ya manufaa yao kimaisha,kiburudani na taiti za kisayansi.
Kamishina Msaidizi Mwandamizi wa Uhifadhi Dodoma Ahamed Mbugi kutoka TANAPA amewataka wanahabari kutumia kalamu zao katika kutangaza utalii wa ndani.
 |
| Kamishna Mwandamizi wa Uhifadhi Dodoma Ahmed |
“Kumekuwepo na tabia ya jamii kuamini kuwa kutalii ni mpaka
lazima utoke nje ya nchi wakati kuna maeneo mengi ya kufanya utalii ndani ya
nchi ambayo hawayafahamu wala kuyatembelea,”
Na kuongeza kusema kuwa “lazima tujenge utamaduni wa kutembelea vivutio vyetu vya ndani zipo nchi ambazo watalii wengi ni wakazi wan chi husika mfano nchi ya Afrika kusini watalii wengi ni wakazi wan chi hiyo na wamekuwa wakienda muda wote kutembelea hifadhi na maeneo mbalimbali ya kitalii katika nchi yao,” amesema Kamishina Mbugi
Pascal Shelutete ni kamishina Uhifadhi Msaidizi Mwandamizi wa Mawalisiano wa TANAPA anaeleza kwamba kwasababu watanzania jamii muamko bado ni mdogo wameanda mpango mkakati wakuboresha na kuendelea kutangaz vivutio vya kitalii kupitia Televisheni ikiwemo Tanzania safari Channel,Channel ya shirika la utangazaji Tanzania TBC ,vipindi vya radio na mitandao ya kijamii.
 |
| Kamishina Uhifadhi Msaidizi Mwandamizi TANAPA Pascal Shelutete |
Anabainisha shirika linatoa fursa kwa sekta binafsi katika kuendeleza na kukuiza utalii katika hifadhi za taifa kwa kuweka mazingira wezeshi kwa sekta binafsi na umma ili kuwekeza katika meneo ya hifadhi.
Naye Ofisa uhifadhi Mkuu wa shirika hilo July Lyimo amesema utalii husaidia kukuza uchumi na pato la taifa,kuongeza ajira , nakuitambulisha nchi kwa ujumla.
“Niwaombe waandishi wa habari mtumie kalamu zenu katika kuhakikisha tunawaelimisha ,hamasisha watanzania kuona umuhimu wa kwenda kutembelea Hifadhi za Taifa,”amesema July.
Mwisho.
Comments
Post a Comment