Na. Theresia Francis, DODOMA
Mratibu
wa Sensa ya watu na makazi wa Wilaya ya Dodoma, Calister Makacha ameelezea
mafanikio ya Sensa ya majaribio iliyofanyika Septemba, 2021 Kata ya Dodoma
Makulu ikihusisha mitaa miwili ya Msangalale Mashariki na Msangalale Magharibi
kuwa imeboresha mifumo ya Sensa na kuondoa vikwanzo.
 |
| Mratibu wa Sensa na makazi Wilaya ya Dodoma, Calister Makacha akiongea na waandishi wa habari hawapo pichani |
Mafanikio
hayo ya Sensa ya majaribio aliyataja wakati akiongea na waandishi wa habari
katika ukumbi wa mikutano wa Halmashauri ya Jiji la Dodoma.
“Zoezi
lilikua zuri, muitikio ulikua mkubwa sana. Wananchi walijitokeza na
walihesabiwa kwa asilimia miamoja. Hakuna aliyeachwa hata waliokuwa wanaenda kazini,
makarani waliwasiliana nao kwa namba za simu na kupanga ratiba itakayowawezesha
kuhesabiwa” alisema Makacha.
Akiongelea
umuhimu wa zoezi la Sensa ya majaribio, alisema kuwa zoezi hilo limesaidia
katika kuboresha Sensa inayotarajiwa kufanyika tarehe 23 Agosti, mwaka huu.
Maboresho hayo aliyataja kuwa ni kuboresha mifumo na kurekebisha vitu ambavyo
vilikuwa ni vikwazo katika zoezi la Sensa ya majaribio.
“Wakati
wa Sensa ya majaribio watu walihesabiwa ndani ya siku tatu lakini Sensa ya
mwaka huu itakayofanyika Agosti 23 watahesabiwa kwa siku sita kutokana na
ukubwa wa maeneo na wingi wa watu walioongezeka tangu walivyogawa maeneo” alisema
Makacha.
Sambamba
na hilo, Machaka aliwashauri wananchi wa Wilaya ya Dodoma kuacha mtu mmoja
katika kaya ambaye anajua taarifa za watu waliolala kwenye kaya usiku wa
kuamkia tarehe 23 Agosti ili kutokukwamisha zoezi la Sensa ya watu na makazi.
Alisema kuwa ushauri huo ni muhimu kwa sababu shughuli za uchumi
zitaendelea kama kawaida.
MWISHO
Comments
Post a Comment