DODOMA WASHAURIWA KUSHIRIKI SENSA YA WATU NA MAKAZI

on

Na. Theresia Francis, DODOMA

Mratibu wa Sensa ya watu na makazi wa Wilaya ya Dodoma, Calister Makacha amewashauri wakazi wa wilaya hiyo kushiriki zoezi la Sensa ya watu na makazi kwa kujitokeza kuhesabiwa tarehe 23/08/2022 kwa maendeleo ya taifa.



Kauli hiyo aliitoa wakati akiongea na waandishi wa habari katika ukumbi wa mikutano wa Halmashauri ya Jiji la Dodoma.

 

“Sensa ni zoezi zima lakukusanya taarifa, kuzichakata, kuzichambua na kutoa ripoti maalumu kwaajili ya kukusanya takwimu za kidemografia, kiuchumi, mazingira lakini takwimu zote za watu pamoja na makazi yao” alisema Makacha.

 

Aidha, alielezea umuhimu wazoezi hili kwa serikali ya Tanzania kuwa zoezi hilo litasaidia kupata takwimu rasmi ambazo zitaisaidia katika kupanga mipango ya maendeleo ya taifa.

 

Sambamba na hilo, Machaka alielezea utaratibu wa Sensa hiyo ya  sita toka zoezi la Sensa lianze mwaka 1978 itakayofanyika mwezi Agosti. Sensa hiyo itafanyika kwa njia ya kielektroniki kwa kutumia vishikwambi. Hivyo, makarani watakaoendesha zoezi hilo hawatakuwa na madodoso ya makaratasi kama ilivyokua miaka ya nyuma.

“Maswali yote yataingizwa kwenye vishikwambi na watahoji kuanzia mwanzo hadi mwisho kwa dodoso kuu, dodoso la majengo na dodoso la makazi” aliongeza Makacha.

Sensa ya watu na makazi kwa mwaka 2022 inaongozwa na kaulimbiu isemayo “Sensa kwa maendeleo, jiandae kuhesabiwa”.

 

MWISHO

Comments

Post a Comment
Dodoma News
Mwanza City, Mwanza, Tanzania
Dennis G. Harrison, mmiliki mwenza wa Mtandao wa Dodoma News Blog, alizaliwa mkoani Morogoro zaidi ya miaka 40 iliyopita. Dennis ana Taaluma ya Uandishi wa Habari (Proffessional Journalism) kutoka Chuo Kikuu cha Mtakatifu Augustine (SAUT). Mwaka 2009 alimaliza Shahada ya Uzamili katika Mawasiliano ya Umma, ikijikita katika Menejimenti ya Uhusiano kwa Umma na Matangazo katika chuo cha SAUT. Mwaka 2002, Dennis aliajiriwa katika Shirika la Posta Tanzania, Ofisi kuu ya Mwanza. Mwaka 2009 aliajiriwa katika Ofisi ya Mkuu wa Mkoa wa Iringa kwa nafasi ya Afisa Habari. Akiwa katika ofisi hiyo alifanya kazi kwa juhudu na maarifa na kufanikiwa kuchaguliwa na wafanyakazi wote kuwa mfanya kazi bora. Kufuatia juhudi na utendaji kazi wake, alipanda hadi nafasi ya Afisa Habari Mwandamizi.