NA MWANDISHI WETU.
Waziri
wa Nchi, Ofisi ya Waziri Mkuu Kazi, Vijana, Ajira na Wenye Ulemavu Mhe.Prof.
Joyce Ndalichako (Mb) amezungumza na vyomba vya habari kuelekea siku ya kilele
cha maadhimisho ya usalama na afya mahali pa kazi na kusema kwamba lengo kubwa
la maadhimisho hayo ni kuendeleza kampeni za kuhamasisha uwepo wa mazingira
salama na yenye kulinda afya za watu mahala pa kazi.
Prof.
Ndalichako ameyaeleza hayo leo tarehe 27 Aprili, 2022 wakati wa mkutano
na wandishi wa Habari kuhusu kilele cha maadhisho ya usalama na afya mahali pa
kazi, Jijini Dodoma. Aidha, amefafanua kuwa takwimu zilizotolewa na Shirika la
Kazi Duniani kwa mwaka huu zinaainisha kuwa inakadiriwa zaidi ya watu milioni
mbili na laki tisa (2.9 milioni) hupoteza Maisha kutokana na ajali na magonjwa
yatokanayo na kazi.
“Kupitia
takwimu hizo tunaweza kupata picha na uzito wa changamoto ya madhara yanayo
sababishwa na mazingira ya kazi yasiyo rafiki kwa wafanyakazi na ndio maana
mwaka huu Shirika la Kazi Duniani limeamua kaulimbiu kuwa ni : kwa
pamoja tushirikiane kujenga utamaduni bora wa usalama na afya mahali pa kazi “
alisema Prof. Ndalichako.
Aidha
alibainisha kuwa kwa hapa nchini tulianza kuadhimisha siku hii tangu mwaka 2004
ambapo maadhimisho hayo yamekuwa yakiratibiwa na Serikali kupitia Taasisi yake
ya OSHA kwa kushirikiana na Wadau wa Utatu ambapo ni Shirikisho la Vyama vya
Wafanyakazi- TUCTA na Chama cha Waajiri Tanzania- ATE pamoja na Shirika la Kazi
Duniani-ILO. Vilevile Alisema kuwa kwa mwaka huu maadhimisho hayo yatafanyika
Jijini Dodoma.
Aidha
alisema kama Nchi inashiriki katika kampeni ya kidunia kwa kufanya mambo
mbalimbali yanayolenga kukuza uelewa wa masuala ya Usalama na Afya Mahali Pa
Kazi na kuhamasisha watanzania kujenga utamaduni bora wa Usalama na Afya katika
shughuli za kiuchumi za kila siku.
MWISHO:
.jpg)
Comments
Post a Comment