Na. DOTTO KWILASA, DODOMA
SERIKALI imetangaza kuanza kwa tahsusi mpya tano
kwa ajili ya wanafunzi wanaoingia kidato Cha tano mwaka huu ili kuondoa changamoto ya ukosefu wa wataalam
nchini.
Tahsusi hizo ni Physics, Mathematics na Computer Studies (PMC), Kiswahili, French, Chinese
(KFC), Kiswahili, English, Chinese
(KEC), Physical education, Biology, Fine art
(PeBFa) na Physical education, Geography, Economics (PeGE).
Hayo yameelezwa jana Jijini Dodoma na Waziri wa
Nchi,Ofisi ya Rais,Tawala za Mikoa na Serikali za Mitaa (TAMISEMI), Selemani
Jafo alipokuwa akizungumza na Waandishi wa Habari.
Jafo alisema tahsusi ya PMC kwa kuanzia
itatolewa katika Shule ya Sekondari ya wasichana ya Dodoma na Shule ya
ufundi ya wavulana ya Iyunga Mkoani Mbeya.
Aidha, alisema tahsusi ya PeBFa na PeGE itatolewa
shule ya Sekondari ya wasichana ya Makambako, shule ya Sekondari ya wavulana Kibiti na Sekondari
ya Mpwapwa ambayo ni ya mchanganyiko.
Akizungumzia utaratibu wa kubadilisha tahsusi na
vyuo vya ufundi kwa Mwaka 2021 Waziri Jafo alisema ratiba ya kubadili inaanza
Machi 29 hadi Aprili 11,2021.
Pamoja na mambo mengine Waziri Jafo alitoa wito kwa
wanafunzi kutumia muda uliowekwa vizuri kuweza kubadili tahsusi kwa njia ya
mtandao kulingana na ufaulu Waliopata kwa kuwa hakutakuwa na nafasi ya
kufanya uchaguzi mwingine tena, isipokuwa taarifa za awali ndizo
zitakazotumika.
MWISHO

Comments
Post a Comment