CHIFU MAZENGO WA PILI DODOMA AWAASA WATANZANIA KUWA NA UMOJA KIPINDI HIKI AMBACHO NCHI INAOMBOLEZA KIFO CHA HAYATI DKT MAGUFULI
Na Jackline Kuwanda,Dodoma.
Chifu Mkuu wa
Kanda ya kati Mtemi Mazengo wa pili ametoa wito kwa watanzania
kuzingatia umoja na ushirikiano katika kipindi hiki ambacho nchi imempoteza
kiongozi shupavu na mzalendo aliyeipenda nchi yake na kujali watu wake katika
kutekeleza mapinduzi makubwa ya uchumi wa wananchi wa Tanzania.
Wito huo ameutoa leo wakati akizungumza na Mtandao wa Dodoma News Blog,ambapo amesema Hayati Dkt John Pombe Magufuli atakumbukwa kwa
mambo mengi ikiwemo kuibadili Taswira ya Tanzania kwa kumtegemea Mungu katika
mipango na mikakati ikiwemo utekelezaji wa miradi mikubwa.
Aidha, amesema Mkoa wa Dodoma ni miongoni mwa
Mikoa aliyoiheshimisha kwa kuacha alama nyingi ikiwemo kuipa hadhi ya kuwa
jiji,miundombinu kuboreshwa,hospitali kujengwa,shule kujengwa ’’kiukweli
amefanya mambo mengi ameacha kumbukumbu kubwa sana katika Mkoa wa Dodoma na
hata sisi machifu ametuheshimisha kwa kurejesha nafasi zetu tena’’ Mazengo
Amesema
Wakati huo huo Mazengo amesema hali ya machifu
kurudishwa katika uongozi kwao ilikuwa ni heshima kubwa kutoka kwa kiongozi
huyo.
Katika hatua nyingine amesema kwa kiongozi wa
sasa aliyepo Madarakani Rais Mama Samiah
Suluh Hasan wao kama machifu wanamuombea kwa mwenyezi Mungu kuyaendeleza yale
ambayo Hayati Dkt Magufuli aliyaacha.
Rais wa awamu ya tano Hayati Dkt John Pombe
Magufuli alifariki Dunia Machi 17/2021 baada ya kugua maradhi ya moyo akiwa na
umri wa miaka 61.
Mwisho.

Comments
Post a Comment