WAKULIMA WAASWA KUANDAA MASHAMBA MAPEMA NA KUPANDA MBEGU ZA KISASA

on

 


DODOMA.

WAKULIMA wa Wilaya ya Bahi wameshauriwa kuchangamkia mvua ambazo zimeanza kunyesha kwa hivi kwa Kanda ya Kati kuandaa mashamba mapema na kupanda mbegu za kisasa zinazokomaa kwa haraka. 

Ushauri huo umetolewa Naibu Katibu Mkuu wa Kanisa la Pentecostal Holiness Association Mission Tanzania Askofu Julias Bundala alipokuwaa akizungumza na wananchi wa Kijiji cha Nhyinila kata ya Mtita wilaya ya Bahi wakati wa ibada ya shukurani iliyofanyika kiijiini hapo.

Bundala alisema kuwa kanda ya kati hivi sasa mvua zimeanza kunyesha, hivyo zichangamkie kwa kuandaa mashamba na kupanda mbengu bora za kisasa zitakazokoma haraka. 

Akizungumza na wananchi wa Kijiji hicho alisema mvua ambazo zimeanza kunyesha ni muhimu zikachangamkiwa uknzingatia kuwa mara nyingi zinakuwa za muda mfupi tofauti na mikoa mingine ambayo imekuwa ikinyesha kwa wingi. 

Alisema ili waweze kufikia malengo hayo ya kilimo cha kisasa kwa malengo ya mafanikio ,wanatakiwa pia kuacha na kilimo cha mazoea ambacho hakina tija kwa mkulima.

Askofu huyo pia amewataka kuhakikisha wanawaaomesha watoto wao,ili waweze kufikia ndoto walizonazo badala ya kuwaacha majumbani na wengine kuwafanyisha kazi za ajira za majumbani.

Kwa upande wake Mchungaji wa kanisa hilo la Pentecostal Holiness Association Mission Sinai Nhinila Peter Chabwalo,amewaomba wanakijiji kuendelea kuombea serikali ili iweze kufikia maendeleo ambayo Rais Dk John Magufuli amekuwa akisisitiza 

Aidha amewaomba vijana kufanya kazi kwa malengo ili waweze kufikia ndoto zao,badala ya kujiingiza kwenye makundi ambayo yanayopotosha na kusababisha umaskini.

Mwisho.

Comments

Post a Comment
Dodoma News
Mwanza City, Mwanza, Tanzania
Dennis G. Harrison, mmiliki mwenza wa Mtandao wa Dodoma News Blog, alizaliwa mkoani Morogoro zaidi ya miaka 40 iliyopita. Dennis ana Taaluma ya Uandishi wa Habari (Proffessional Journalism) kutoka Chuo Kikuu cha Mtakatifu Augustine (SAUT). Mwaka 2009 alimaliza Shahada ya Uzamili katika Mawasiliano ya Umma, ikijikita katika Menejimenti ya Uhusiano kwa Umma na Matangazo katika chuo cha SAUT. Mwaka 2002, Dennis aliajiriwa katika Shirika la Posta Tanzania, Ofisi kuu ya Mwanza. Mwaka 2009 aliajiriwa katika Ofisi ya Mkuu wa Mkoa wa Iringa kwa nafasi ya Afisa Habari. Akiwa katika ofisi hiyo alifanya kazi kwa juhudu na maarifa na kufanikiwa kuchaguliwa na wafanyakazi wote kuwa mfanya kazi bora. Kufuatia juhudi na utendaji kazi wake, alipanda hadi nafasi ya Afisa Habari Mwandamizi.