NJOMBE.
Wazazi na walezi kata ya Ibumi wilayani Ludewa Mkoani Njombe
wameiomba serikali kuwawajibisha wale wote wanaojihusisha kimapenzi na
wanafunzi ili kunusuru wimbi kubwa la matokeo hasi pindi shule zitakapofungua
mara baada ya ugonjwa wa Corona kuisha.
Wakizungumza katika mkutano wa Diwani wa kata ya Ibumi Mh,Edward
Haule wananchi wamesema kuwa suala la kuleana katika jambo hilo ni kupeana
kilema.
Akielezea juu ya ombi la mwananchi aliyejitambulisha kwa jina la
Mussa mkatakulima Diwani wa kata ya Ibumi na Mwenyekiti wa
Halmashauri ya wilaya ya Ludewa Mh,Edward
Haule amesema hatua inatakiwa kuchukuliwa kama ambavyo sheria
inasema.
Hata hivyo diwani wa kata hiyo ya Ibumi ametoa wito kwa kuwataka
viongozi wa ngazi zote wilayani humo kuhakikisha wanakuwa makini na wanafunzi
kipindi hiki cha likizo ya ugonjwa wa Corona na kuendelea.
Felix Charle ni afisa mtendaji kata ya Ibumi na Charles Shadrack
Luoga ni afisa mtendaji kijiji cha Ibumi kwa pamoja wameahidi kutekeleza
maagizo ya wananchi pamoja na kiongozi wa halmashauri hiyo
Comments
Post a Comment