Uhaba wa walimu wenye sifa za kufundishia watajwa kuwa changamoto ya kutoa elimu kwa watoto wenye umri chini ya miaka sita
DAR ES SALAAM.
Uhaba wa walimu wenye sifa na mbinu rafiki za
kufundisha madarasa ya elimu ya awali nchini umetajwa kuwa changamoto ya kutoa
elimu kwa watoto walio na umri chini ya miaka sita hali inayokwamisha kuwapatia
watoto hao maarifa na malezi kulingana na umri wao.
Hayo yamebainika katika uzinduzi wa matokeo ya
tafiti mbili zilizofanywa na shirika lisilo la kiserikali la HAKI ELIMU
zilizoangazia makuzi ya mtoto, ulinzi na maendeleo ya elimu ya awali nchini.
Akizungumza katika unzinduzi huo,mkurugenzi
mtendaji wa HAKI ELIMU Dkt. John Kalage amesema taifa limepiga hatua nzuri
katika sekta ya elimu lakini ameisisitiza jamii kuungana kutatua changamoto
zilizopo ili kuwawezesha watoto kupata elimu bora.
Adhabu zilizozidi kipimo ikiwemo viboko na
vitisho kutoka kwa walimu vimetajwa katika utafiti huo kama kikwazo cha watoto
kujifunza kutokana na kuzua hofu kwa watoto wawapo darasani.
Baadhi ya walioshiriki uzinduzi wa tafiti hizo
wameeleza namna bora ya kushughulikia changamoto zilizoanishwa kwenye utafiti
katika kuboresha sekta ya elimu nchini.
Tafiti hizo mbili zimefanyika katika wilaya
tisa za Tanzania Bara ambapo uzinduzi wake umewakutanisha wadau mbalimbali wa
sekta ya elimu kwa njia ya mtandao kujadili na kupata ufumbuzi wa changamoto
zilizobainishwa katika tafiti hizo.
Comments
Post a Comment