Serikali yaiagiza NFRA kujiendesha kibiashara


DODOMA

Bodi ya ushauri ya wakala wa Taifa wa Hifadhi ya Chakula NFRA Imeagizwa kuhakikisha kuwa inajiendesha kibiashara  pamoja na kukusanya Jumla ya tani laki moja na elfu ishirini ya  akiba ya chakula.

Kauli hiyo imetolewa Jijini Dodoma  Dodoma  na Waziri wa kilimo Mhe.Japhet Hasunga wakati wa  uzinduzi wa bodi ya ushauri ya Wakala wa  hifadhi ya taifa ya Chakula NFRA.

Waziri Hasunga amesema katika kipindi hiki cha Mavuno NFRA  inapaswa kujipanga vyema namna nzuri ya kupata fedha  ili iweze kuingia sokoni kwani mwaka jana haikufanya vizuri na ilinunua tani elfu tatu pekee.

‘’ili kuongeza utendaji kazi wa wakala sasa nina iagiza bodi kufanya yafuatayo jambo la kwanza ni kuhakikisha wakala wanajiendesha kibiashra bila kusahau jukumu lenu la msingi wa utoaji wa huduma kwa umma kwa hiyo sasa hivi ni kipindi cha mavuno ninaamini katika siku mbili hizi mtakazo kutana jambo kubwa mtakalo lijadili ni namna ya kupata fedha kwajili ya kupata manunuzi’’Hasunga

Mtendaji mkuu wa wakala wa taifa wa hifadhi ya chakula nchini,NFRA Milton Lupa amebainisha baadhi ya mambo waliyotekeleza ikiwa ni pamoja na kupeleka chakula mikoa ya kanda ya kati na kanda ya ziwa  tani elfu tatu ili kuhimili mfumuko wa bei pamoja kupeleka chakula katika maeneo yaliyokumbwa na mafuriko hususan  mkoani Lindi takriban tani 117 na
Rufiji tani 26  na  kuuza kwa bei nafuu.

Aidha  katika ujenzi wa vihenge vya kuhifadhia mazao Bw.Lupa amesema umekabiliwa na changamoto mbalimbali ikiwa ni pamoja na virusi vya Corona  ambapo watumishi waliokwenda nchini Poland imekuwa vigumu kuja nchini na waliopo nchini imekuwa ngumu kwenda kwa ajili ya kujengewauwezo.

Mwenyekiti  wa bodi ya Ushauri  NFRA Mhandisi Yustak Kangolle amezungumzia umuhimu wa Maslahi kwa watumishi ili waweze kufanya kazi kwa kujituma  huku pia akiiomba serikali kuongeza idadi ya watumishi kwani walio wengi wamekaimu kwa muda mrefu.



Comments

Dodoma News
Mwanza City, Mwanza, Tanzania
Dennis G. Harrison, mmiliki mwenza wa Mtandao wa Dodoma News Blog, alizaliwa mkoani Morogoro zaidi ya miaka 40 iliyopita. Dennis ana Taaluma ya Uandishi wa Habari (Proffessional Journalism) kutoka Chuo Kikuu cha Mtakatifu Augustine (SAUT). Mwaka 2009 alimaliza Shahada ya Uzamili katika Mawasiliano ya Umma, ikijikita katika Menejimenti ya Uhusiano kwa Umma na Matangazo katika chuo cha SAUT. Mwaka 2002, Dennis aliajiriwa katika Shirika la Posta Tanzania, Ofisi kuu ya Mwanza. Mwaka 2009 aliajiriwa katika Ofisi ya Mkuu wa Mkoa wa Iringa kwa nafasi ya Afisa Habari. Akiwa katika ofisi hiyo alifanya kazi kwa juhudu na maarifa na kufanikiwa kuchaguliwa na wafanyakazi wote kuwa mfanya kazi bora. Kufuatia juhudi na utendaji kazi wake, alipanda hadi nafasi ya Afisa Habari Mwandamizi.