MOROGORO.
Mkuu wa mkoa wa morogoro Loata Ole Sanare amesema mazishi ya
aliyekuwa Naibu Meya wa manispaa ya morogoro Isihaka Sengo yatasimamiwa
na serikali na kuzikwa na watu wasiozidi kumi.
Akizungumza na kamati ya ulinzi na usalama mkoani humo mbele ya
waandishi wa habari sanare amesema kuwa hakuna sababu ya kusubiri
majibu ya kitabibu kwani tayari muongozo unaozuia uwepo wa mikusanyiko isiyo ya lazima ili kuepukana na virusi vya korona inayo
pelekea homa kali ya mapafu hivyo ni vyema mwili huo ukahifadhiwa aprili 28 katika makaburi ya Kibwe yaliyopo mansipaa
hiyo.bila kusubiri majibu hayo.
Hata hivyo sanare amesema baada ya kupata taarifa za kifo cha
naibu meya isihaka jana serikali ilizuia mazishi kutofanyika hadi sampuli
itakapochukuliwa ili kubaini chanzo cha kifo chake baada ya kuwepo kwa
utata na kifo hicho lakini hadi sasa yameshindwa
kupatikana akiongeza kuwa mwili huo utazikwa na utazikwa na
serikali majira ya saa kumi jioni.
Ikumbukwe Aprili 27 Mganga mkuu Manispaa ya
Morogoro Ikaji Rashid baada ya kufika nyumbani kwa marehemu ambapo mwili
huo ulikuwa umehifadhiwa kisha kubainisha kuwa kutokana na utata wa
kifo hicho serikali imelazimu kusitisha taratibu na mziko hadi utaraibu
mwingine utakapo tangazwa.
Kwa upande wake msemaji wa Familia bwana
Mwinyimbegu Yahya ambaye ni mjomba wa Marehemu amesema ndugu yao alikua
anasumbuliwa na ugonjwa wa Kisukari na ilipofika Aprili 26 mwaka huu majira ya
saa tatu usiku alizidiwa na kukimbizwa katika hospitali ya Chuo cha Kilimo cha
Sokoine ( SUA) na ilipofika alfajiri alifariki.
Isihaka Sengo amezaliwa mwaka 1961 na hadi
umauti unamkuta alikua Naibu meya manispaa ya Morogoro.
Comments
Post a Comment