Vijana washauliwa kuwekeza Kilimo cha Nyanya

Na.Gibson Gabriel, TABORA

Msimamizi wa kituo cha mradi wa kilimo cha umwangiliaji katka eneo la Maili tano kilichopo Kata ya Ipuli mkoani Tabora Said Omary amewataka vijana kujiendeleza katika kilimo cha bustani ili kujikwamua kiuchumi.

Bustani ya Nyanya

Akiwa katika sehemu ya kazi, Omary amesema kuwa kilimo cha nyanya kinaweza kukuza kipato cha mtu bila kutengemea ajira kutoka serikalini. "Mfano kama aina ya Segefu one ambayo ni aina ya nyanya ambayo inakuwa kwa kupanda juu ambapo ukianza kuvuna uchukuwa miezi mitatu ukilinganisha na aina nyingine” amesema Omary.

Kwa upande mwingine Omary amefafanua kuwa aina hiyo ya nyanya hudumu kwa muda mrefu hivyo husaidia kupata faida kutokana na kutoa matunda mengi kwa muda mrefu.

Aidha, kilimo cha bustani ya nyanya kimekuwa kikisaidia kuinua kipato kutokana na kilimo hicho kuwa na bei kubwa hasa pale shamba likianza kuivisha matunda.

Kutokana na kilimo cha bustani ya nyanya kimemsaidia Omary kununua kiwanja. Aidha, amewataka vijana kutopuuzia kilimo hicho kwa sababu husaidia kubadilisha hali ya kimaisha.

Nae Martine Anthony anayefanya biashara ya nyanya amesema kilimo cha nyanya anakipenda kwa sababu humwingizia kipato kikubwa kinachomfanya kumundu  mahitaji yake ya kimaisha.

vijana wengi wamekuwa wakikataa kufanya kazi wakisubilia ajira ambazo ni ngumu katika wakati huu na kuwashauri kuodoa woga wa kuthubutu kuanzisha vitu ambavyo vitawainua kuuchumi.