Rais Magufuli Aongeza Siku 20 Za Usajili Wa Laini Za Simu Kwa Alama Za Vidole



Na. Edith Shija

Rais Dkt. John Magufuli jana tarehe 27 Disemba, 2019 alifanya usajili wa laini yake ya simu ya mkononi kwa alama za vidole na kuwataka watanzania wote wanaotumia simu kusajili laini zao kwa alama za vidole kama ilivyoelekezwa na Mamlaka ya Mawasiliano Tanzania (TCRA), alitangaza kuongeza siku 20 kwa ambao hawajakamilisha zoezi hilo kukamilisha.
 
Rais Dkt. Magufuli akisanya usajili ya laini yake ya simu
Rais Dkt. Magufuli alifanya usajili huo wa laini yake mjini Chato mkoani Geita ambapo aliongeza siku 20 kuanzia Januari 01, 2020 hadi Januari 20, 2020 kwa wote ambao watashindwa kusajili laini zao Katika kipindi cha kuishia tarehe 31 Disemba, 2019.

Aidha, Rais alisisitiza baada ya siku hizo 20 alizoongeza kukamilika hakutakuwa na kisingizio chochote kile kitakachokubalika na aliiagiza TCRA kuhakikisha laini ambazo hazijasajiliwa zinazimwa baada ya tarehe hiyo.  

Hata hivyo Rais Magufuli amefafanua kuwa usajili wa Laini za simu kwa alama za vidole ni muhimu kwa usalama wa nchi ikiwemo kuepusha vitendo vya utapeli na ujambazi vinavyofanywa na wahalifu ambao wengi wao hukamatwa na vyombo vya dola. 
=30=


Comments

Dodoma News
Mwanza City, Mwanza, Tanzania
Dennis G. Harrison, mmiliki mwenza wa Mtandao wa Dodoma News Blog, alizaliwa mkoani Morogoro zaidi ya miaka 40 iliyopita. Dennis ana Taaluma ya Uandishi wa Habari (Proffessional Journalism) kutoka Chuo Kikuu cha Mtakatifu Augustine (SAUT). Mwaka 2009 alimaliza Shahada ya Uzamili katika Mawasiliano ya Umma, ikijikita katika Menejimenti ya Uhusiano kwa Umma na Matangazo katika chuo cha SAUT. Mwaka 2002, Dennis aliajiriwa katika Shirika la Posta Tanzania, Ofisi kuu ya Mwanza. Mwaka 2009 aliajiriwa katika Ofisi ya Mkuu wa Mkoa wa Iringa kwa nafasi ya Afisa Habari. Akiwa katika ofisi hiyo alifanya kazi kwa juhudu na maarifa na kufanikiwa kuchaguliwa na wafanyakazi wote kuwa mfanya kazi bora. Kufuatia juhudi na utendaji kazi wake, alipanda hadi nafasi ya Afisa Habari Mwandamizi.