RAIS DKT. MAGUFULI AONGEZA SIKU 20 USAJILI LAINI KWA ALAMA ZA VIDOLE


Na. Mwandishi Wetu, CHATO

RAIS wa Jamhuri ya Muungano wa Tanzania, Dkt. John Magufuli ameongeza siku 20 kwa watanzania kukamilisha zoezi la usajili wa laini zao za simu kabla ya muda uliopangwa awali na Mamlaka ya Mawasiliano Tanzania (TCRA) kukamilika.
Rais Dkt Magufuli akibonyeza kitufe wkati akisajili laini yake ya simu kwa alama ya kidole

Ongezeko hilo la muda alilitoa baada ya kufanya usajili wa laini yake ya simu kwa alama za vidole jana wilayani Chato, mkoani Geita.

Rais Dkt. Magufuli aliongeza siku 20 kuanzia tarehe Mosi Januari, 2020 hadi tarehe 20 Januari, 2020.

Aidha, aliwataka watanzania wote kusajili laini zao za simu kwa alamu za vidole kama ilivyoelekezwa na Mamlaka ya Mawasiliano Tanzania (TCRA).

Vilevile, alisisitiza kuwa muda huo ulioongezwa utakapokamilika hakuna sababu nyingine itakayokubalika kwa mtu yeyote kutosajili laini yake. Aliiagiza TCRA kuzima laini zote ambazo zitakuwa hazijasajiliwa baada ya 20 Januari, 2020.
Rais Dkt Magufuli katika kituo cha kusajili laini za simu 

Akiongelea umuhimu wa usajili wa laini za simu kwa alama za vidole, alisema kuwa ni muhimu kwa usalama wa nchi. Usajili huo unaepusha vitendo vya utapeli na ujambazi vinavyofanywa na wahalifu, ambao licha ya wengi wao kukamatwa na vyombo vya dola wameendelea kusababisha usumbufu na upotevu mali za wananchi hususani fedha.
=30=

Comments

Dodoma News
Mwanza City, Mwanza, Tanzania
Dennis G. Harrison, mmiliki mwenza wa Mtandao wa Dodoma News Blog, alizaliwa mkoani Morogoro zaidi ya miaka 40 iliyopita. Dennis ana Taaluma ya Uandishi wa Habari (Proffessional Journalism) kutoka Chuo Kikuu cha Mtakatifu Augustine (SAUT). Mwaka 2009 alimaliza Shahada ya Uzamili katika Mawasiliano ya Umma, ikijikita katika Menejimenti ya Uhusiano kwa Umma na Matangazo katika chuo cha SAUT. Mwaka 2002, Dennis aliajiriwa katika Shirika la Posta Tanzania, Ofisi kuu ya Mwanza. Mwaka 2009 aliajiriwa katika Ofisi ya Mkuu wa Mkoa wa Iringa kwa nafasi ya Afisa Habari. Akiwa katika ofisi hiyo alifanya kazi kwa juhudu na maarifa na kufanikiwa kuchaguliwa na wafanyakazi wote kuwa mfanya kazi bora. Kufuatia juhudi na utendaji kazi wake, alipanda hadi nafasi ya Afisa Habari Mwandamizi.